Til baka

Á döfinni

Verkefnalisti

ATVINNUVEGA- OG
NÝSKÖPUNARRÁÐUNEYTIÐ
SAMTÖK
FERÐAÞJÓNUSTUNNAR

Stýrisspjöld í bílaleigubíla

Verkefnið var samþykkt af stjórn Stjórnstöðvar ferðamála í apríl 2017 og styrkt af atvinnuvega- og nýsköpunarráðuneytinu. Ábyrgðar- og framkvæmdaraðili verkefnisins var Samgöngustofa sem hefur haldið utan um verkefnið undanfarin tíu ár. Einnig komu að framkvæmdinni breiður hópur hagaðila sem unnu við uppfærslu stýrisspjaldanna í samstarfi við Samgöngustofu.

Verkefnið gekk út á að hanna, prenta og dreifa stýrisspjöldum sem eru eins konar bæklingar sem hengdir eru á stýri bílaleigubíla og innihalda gagnlegar upplýsingar fyrir erlenda ferðamenn. Stýrisspjöldin koma út bæði fyrir sumar- og vetrartímann þar sem lögð er áhersla á myndræna framsetningu og er texti spjaldanna á ensku. Stýrispjöldin miðla þannig upplýsingum til ferðamanna sem telja má líklegt að séu þeim framandi og eru helst til þess fallnar að auka öryggi þeirra og koma í veg fyrir slys.

Afrakstur verkefnisins var þrjár tegundir af stýrisspjöldum ásamt einum bæklingi. Bæklingurinn er á sex tungumálum (frönsku, þýsku, ítölsku, spænsku, pólsku og kínversku) og er dreift til leigutaka. Nánast öllum sumarstýrisspjöldum var dreift í sumar en vetrarspjöldunum verður dreift fram á vorið 2018.

Thank you! Your submission has been received!

Oops! Something went wrong while submitting the form