Til baka

Á döfinni

Verkefnalisti

ATVINNUVEGA- OG
NÝSKÖPUNARRÁÐUNEYTIÐ
SAMTÖK
FERÐAÞJÓNUSTUNNAR
17
/
02
/
2017
Staða -
Í vinnslu
Áreiðanleg gögn

Landamærarannsókn

Stjórnstöð ferðamála var falið af atvinnuvega- og nýsköpunarráðuneytinu síðastliðið vor að koma með tillögur að verkefnum í rannsóknum og mælingum í ferðaþjónustu fyrir árið 2016. Tillögurnar voru samþykktar af stjórn Stjórnstöðvar ferðamála og skyldu verkefnin vera unnin fyrir aukafjárveitingu af fjárlögum sem veitt var til rannsókna í ferðaþjónustu. Í framhaldi lagði Stjórnstöð ferðamála fram tillögur um framkvæmanleg verkefni og eitt þeirra verkefna var landamærarannsókn sem Ferðamálastofu og Hagstofu Íslands var falið að framkvæma í sameiningu.

Verkefnið fór í útboð hjá Ríkiskaupum í október 2016 og var gengið að tilboði Epinion P/S sem er danskt markaðsrannsóknarfyrirtæki sem mun sjá um framkvæmd rannsóknarinnar, en Ferðamálastofa og Hagstofa Íslands sjá um úrvinnslu og utanumhald.

Niðurstöður þessarar rannsóknar munu bæta til muna yfirsýn stjórnvalda og atvinnugreinarinnar. Þá má betur gera sér grein fyrir því hvernig bæta megi gæði ferðaþjónustunnar á Íslandi og viðhalda þjóðhagslegum ábata sem hlýst af ferðaþjónustunni. Niðurstöður eru samanburðarhæfar við erlend gögn og nýtast til að: 

·        áætla efnahagsleg áhrif erlendra ferðamanna

·        kortleggja hvað erlendir ferðamenn gera á Íslandi (afþreying, gisting og flæði o.fl.) 

·        fá yfirlit yfir hvað ferðamönnum finnst um heimsóknina og hvað mætti bæta

Nánar má lesa um landamærarannsóknina á vefum Ferðamálastofu (www.ferdamalastofa.is) og Hagstofu Íslands (www.hagstofa.is)

Thank you! Your submission has been received!

Oops! Something went wrong while submitting the form